બાજરા ના વડા – Bajri Na Vada in Gujarati

બાજરો કે બાજરી એ ખુબ જાણીતું અનાજ છે જે વિશ્વ માં વધારે આફ્રિકા તેમજ દક્ષિણ એશિયા ના દેશો માં ખવાય છે. પણ તેનું સૌથી વધુ ઉત્પાદન ભારત માં જ થાય છે અને તે ભારત માં પ્રાથમિક ખોરાક તરીકે ખવાય છે. બાજરો એ સ્વાસ્થ્ય વર્ધક અનાજ છે કેમકે તેમાં ઘણા સતત્વો જોવા મળે છે જેમકે પ્રોટીન, કેલ્સિયમ,કર્બોહીદ્રેત્સ, ફોસ્ફરસ અને આર્યન. ભારત ના ઘણા પ્રદેશો માં તે દરરોજ ના ખોરાક માં લેવાય છે જયારે ઘણા લોકો તેને શિયાળા માં પ્રાથમિકતા આપે છે. અહી મેં બાજરા ને પોષ્ટિકતા સાથે સ્વાદિષ્ટ બનાવવાની કોશિશ કરી છે. બાજરા ના વડા એ બાજરા નું ખુબ સ્વાદિષ્ટ સ્વરૂપ છે મારી એક સખી ના ઘર માં કોઈ એક તહેવાર પર ખાલી બાજરો જ ખાવાનો રીવાજ હતો. એ આ દિવસે બાજરા ના રોટલા બનાવી ને ખાતી હતી પણ મારી આ રેસીપી થી એ ખુબ ખુશ થયી  કેમકે રોટલા કરતા આ વડા ખાવા માં ખુબ સ્વાદિષ્ટ લાગે છે.  આ રેસીપી અમારા ઘર માં ખુબ બને છે અને અમે બધા એકસાથે તેની મજા માણીએ છીએ. ઘણી વાર તો આ વડા ને પ્લેટ માં આવવાની રાહ પણ નાં જોતા અમે તેની  કઢાઈ માંથી બહાર નીકળતા જ લિજ્જત ઉઠાવીએ છીએ.

બાજરા ના વડા ને 1 થી 2 દિવસ રાખી શકાઈ છે અને ફ્રિજ માં ૫ થી ૬ દિવસ માટે રાખી શકાઈ છે. ચાલો હવે બાજરા ના વડા બનાવતા શીખીએ.

બાજરા ના વડા – Bajra Na Vada in Gujarati

એક મોટા કટોરા માં ૧ ૧/2 કપ બાજરા નો લોટ લો.

હવે આ લોટ માં લાલ મરચું, હળદર, દહીં, તલ ઉમેરો. તેમાં સ્વાદાનુસાર મીઠું પણ નાખો.

હવે પાણી ઉમેરતા જઈ ને ધીમે ધીમે લોટ બાંધતા જાઓ. બાંધેલા લોટ ને જરાક ચાખી જુવો. અને જે સામગ્રી ખૂટતી હોય તે ઉમેરી દો.

હવે બાજરા ના બાંધેલા લોટ ના   નાનાપૂરી જેવા લુવા પાડો. આ લુવા ને હથેળી થી વચ્ચે જરાક દબાવી ને ચપટા બનાવો.

એક કઢાઈ માં તેલ ગરમ કરો. એકવાર તેલ ગરમ થાય જાય એટલે તેમાં ધીમે ધીમે વડા નાખી ને તેને તળી લો.

તેલ ને ધીમે તાપે રાખવું જેથી વડા નો રંગ સોનેરી આવે.

હવે આ તળેલા બાજરા ના વડા ને પેપર નેપકીન માં કાઢી લો જેથી વધારા નું તેલ તેમાં શોષાય જાય. તમારા બાજરા ના સ્વાદિષ્ટ વડા તૈયાર છે.

આ વડા ને લીલી ચટણી, ટામેટા સોસ કે ગરમ ગરમ ચા સાથે પણ પીરસી ને તેની લિજ્જત માણી શકાય. હું આ વડા ની મજા સાંજ ના નાસ્તા માં ચા સાથે માણું છું.